't Het Nog Nooit Zo Donker West
Ede Staal
Ze woonden soamen in n hoeske,
Zai was wat stief van reumetiek,
Toch konden ze zok hail nuver redden,
In t lutje hoeske achter diek.
De kinder waren al laank de deur oet,
Toch kwamen ze voak nog op t ol stee,
En mainsttieds hadden ze t over vrouger,
Din wizzen z'apmoal wat e zee:
t Het nog nooit, nog nooit zo donker west,
Of t wer altied wel weer licht...
Zes hounder en n olde sege,
n Swien op t hok en n kaampke laand,
En twijmoal doags even over t loantje,
En din huil opoe hom bie d'haand.
Zien haile leven haar e aarbaid,
En moeke mit acht kinder thoes,
Bie zummerdag hail vroug aan t maaien,
En pas om melkenstied bie hoes.
Toun op n zundag in december,
Krigt opa t zomor zo benaauwd,
Zien dochter brengt hom din noar stad tou,
Omdat ze t aiglieks nait vertraauwt.
En aanderdoags is e overleden,
t Het mie veur t olske zo begroot,
Meschain was t beter andersom west,
Want drij week loater was ze dood.
De dood dat heb je nait veur t zeggen,
Want baaide wollen ze geern geliek,
Ze rusten zacht doar op t kerkhof,
Vlak bie t hoeske achter diek.
Comentários
Envie dúvidas, explicações e curiosidades sobre a letra
Faça parte dessa comunidade
Tire dúvidas sobre idiomas, interaja com outros fãs de Ede Staal e vá além da letra da música.
Conheça o Letras AcademyConfira nosso guia de uso para deixar comentários.
Enviar para a central de dúvidas?
Dúvidas enviadas podem receber respostas de professores e alunos da plataforma.
Fixe este conteúdo com a aula: